ကိုယ်​ဝန်​​ဆောင်​မိခင်​များသတိထား လိုက်​နာဖို့

ကိုယ်ဝန်ဆောင်ချိန်ဆိုတာ အိမ်ထောင်ရှင်အမျိုးသမီးတိုင်းအတွက် ဝမ်းနည်းဝမ်းသာ ခံစားမှုပေါင်းစုံကို ရရှိနိုင်တဲ့ အချိန်ကာလတစ်ခုပါပဲ။ ကိုယ့်ရဲ့ ရင်သွေးလေးက ဝမ်းဗိုက်ထဲမှာရှိနေတယ်ဆိုတဲ့ အသိလေးကြောင့် ကြည်နူးပျော်ရွှင်မိပေမဲ့လည်း မွေးရက်ဖွားရက်တဖြည်းဖြည်း နီးလာလေလေ အဆင်ပြေပါ့မလားဆိုတဲ့ စိုးရိမ်ကြောက်လန့်မှုအတွေးတွေက နေ့စဉ်နေ့တိုင်းခြောက်လှန့်နေတတ်ပါတယ်။ ကိုယ်ဝန်ဆောင်အမျိုးသမီးတွေသာမက အနာဂတ်ရဲ့မိခင်လောင်းလေးတွေအတွက် ကိုယ်ဝန်ဆောင်ချိန်မှာသတိထားသင့်တဲ့အချက်လေးတွေ၊ ဆောင်ရန်ရှောင်ရန်အချက်လေးတွေကို ဖော်ပြပေးလိုက်ပါတယ်။

သင့်မှာ ရင်သွေးလေးရှိနေပြီ ဆိုတာသိတာနဲ့ ပထမဦးဆုံးသတိထားသင့်တာကတော့ နေ့စဉ်စားသောက်မှုပုံစံပါ။ ဆရာဝန်ရဲ့ ညွှန်ကြားချက်တွေကို လိုက်နာပြီး အသား၊ ငါး၊ အသီးအရွက်တို့ကို မျှတအောင် စားသောက်သင့်ပါတယ်။ တစ်နေ့ကို အနည်းဆုံး ရေ(၁၀)ခွက်ခန့် သောက်သုံးပြီး ခန္ဓာကိုယ်အတွက် လိုအပ်တဲ့ ရေဓာတ်ကိုလည်း ဖြည့်ဆည်းပေးရပါမယ်။ ကော်ဖီနဲ့ ဆိုးဆေးပါတဲ့အချိုရည်တွေကိုတော့ ကိုယ်ဝန်ဆောင်ကာလအတွင်း မသောက်မိအောင်ရှောင်ကြဉ်ရပါမယ်။

ကိုယ်ဝန်ဆောင်ကာလမှာ အလေးအပင်မခြင်း၊ ပင်ပန်းတဲ့လုပ်ငန်းဆောင်တာများလုပ်ကိုင်ျခင်းတို့ကို ရှောင်ကြဉ်သင့်ပေမဲ့လည်း လမ်းလျှောက်ခြင်း၊ ယောဂကျင့်ခြင်းစတဲ့ လေ့ကျင့်ခန်းတစ်ခုခုကို နေ့စဉ်နေ့တိုင်းပုံမှန်ပြုလုပ်ပေးသင့်ပါတယ်။ အဲဒီလိုပြုလုပ်ခြင်းက သင့်ကို ရုတ်တရက် သွေးပေါင်ချိန်မြင့်တက်ခြင်းကို ကာကွယ်ပေးတဲ့အပြင် သန္ဓေသားရဲ့အနေထားကိုပုံမှန်ဖြစ်စေပြီး မီးဖွားရာမှာ လွယ်ကူစေနိုင်ပါတယ်။

သင်အသုံးပြုတဲ့ အလှကုန်ပစ္စည်း၊ မိတ်ကပ်တွေက သင့်ရဲ့ရင်သွေးလေးကို ထိခိုက်စေနိင်တာကြောင့် ကိုယ်ဝန်ဆောင်ကာလအတွင်း အရင်ကထက်ပိုပြီး စနစ်တကျ ရွေးချယ် ဝယ်ယူအသုံးပြုသင့်ပါတယ်။ ရွေးချယ်တဲ့အခါမှာလည်း ပါဝင်ပစ္စည်းတွေကို အရင်ဦးဆုံးဖတ်ရှုပြီး သဘာဝပစ္စည်းအများစုနဲ့ပြုလုပ်ထားတဲ့ ကုန်ပစ္စည်းတွေကိုသာ ဦးစားပေးရွေးချယ်သင့်ပါတယ်

အိပ်စက်တဲ့ ပုံစံအနေအထားမမှန်ဘူးဆိုရင်လည်း ဝမ်းဗိုက်ထဲမှာရှိတဲ့ သန္ဓေသားပုံစံအနေအထား ပြောင်းလဲသွားတတ်ပါတယ်။ ဒါကြောင့် ကိုယ်ဝန်ဆောင်ကာလအတွင်း မှောက်ပြီးအိပ်စက်ခြင်းကို လုံးဝရှောင်ကြဉ်သင့်ပါတယ်။ ဘယ်(သို့) ညာ တစ်ဖက်စောင်းအနေအထားကို ဒူးခေါင်းအနည်းငယ်ကွေးပြီး အိပ်စက်ခြင်းက သွေးလည်ပတ်မှုကောင်းစေတဲ့အပြင် သန္စေသားအနေအထားကောင်းမွန်စေတယ်လို့ လေ့လာချက်တွေအရ သိရပါတယ်။

ကိုယ်ဝန်ဆောင်ကာလအတွင်းမှာ အဝတ်အစားတွေ၊ ဖိနပ်တွေ ရွေးချယ်ဝတ်ဆင်တဲ့အခါ အလှအပထက် ကိုယ်နဲ့အဆင်ပြေပြီး သက်တောင့်သက်သာဖြစ်စေမယ့် အဝတ်အစားများကို ရွေးချယ်ဝတ်ဆင်သင့်ပါတယ်။ ဒေါက်ဖိနပ်အမြင့်တွေ စီးခြင်းကိုလည်း ရှောင်ကြဉ်သင့်ပါတယ်။

နောက်ဆုံးတစ်ခုကတော့ စိုးရိမ်သောကတွေကို တတ်နိင်သလောက် လျော့ချထားသင့်ပါတယ်။ စိတ်ဖိစီးမှုတွေများလာတဲ့အခါ မလိုလားအပ်တဲ့ ရောဂါပြဿနာတွေဝင်ရောက်လာနိင်ပါတယ်။ ဒါကြောင့် ဆရာဝန်တွေရဲ့ ညွှန်ကြားချက်များကို လိုက်နာပြီး မိမိကိုယ်မိမိယုံကြည်ချက်ရှိရှိနဲ့ စိုးရိမ်စိတ်မများဘဲ စိတ်အေးချမ်းသာစွာ နေထိုင်သင့်ပါကြောင်း အသိပေးမျှဝေလိုက်ရပါတယ်။