မြင်းခွာရွက်အကြောင်း_သိကောင်းစရာများ”
မြင်းခွာရွက်ကို Centella, Indian pennywort, Brahmi, Luei gong gen, Gotu Kola စသဖြင့် အမျိုးမျိုးခေါ်ဝေါ်ကြသည်။ ရှေးနှစ်ပေါင်းထောင်ချီ ကတည်းကပင် တရုတ်နှင့် အိန္ဒိယ လူမျိုးများသုံးစွဲခဲ့ကြသည်။ အာယုဗေဒကျမ်းတွင် အရေးကြီးသော ဆေးတမျိုးအဖြစ် ဖေါ်ပြထားပြီး သူတော်စင်များနှင့် ဘုန်းကြီးများ ကမ္မဌာန်းတရား အားထုတ်ရာတွင် အထောက်အကူပြုစိတ်ငြိမ်ဆေးအဖြစ် အသုံးပြု ကြသည်။ တရုတ်ရိုးရာ ဆေးများတွင်လည်း အရွယ်တင်နုပျိုစေနိုင်သော ဆေးဖက်ဝင် အပင်အဖြစ် ဖေါ်ပြခဲ့ကြသည်။ သီရိလင်္ကာနိုင်ငံတွင် ဆင်များ မြင်းခွာရွက်ပင်ကိုစားသုံးပြီး အသက်ရှည်စွာနေထိုင်နိုင်ခြင်းနှင့် လည်းကောင်းတို့၏ မှတ်ဉာဏ် ကောင်းပုံများကို လူများ နှစ်ပေါင်းများစွာက လေ့လာတွေ့ရှိခဲ့ပြီး ကျန်းမာရေးအတွက် စားသုံးခဲ့ကြသည်။ ရှေးနှစ်ပေါင်းများစွာကပင် ဒါဏ်ရာအနာများနှင့် အအေးမိခြင်း၊ ကိုယ်ခန္တာအပေါ်ပိုင်း အသက်ရှုခြင်းဆိုင်ရာ ပြဿနာများတွင် အသုံးပြု ခဲ့ကြသည်။အခြားစွမ်းရည်တခုမှာ အဖျားကိုကျစေသည်။ ရေယုန်၊ အဆစ်လွဲခြင်း ဝေဒနာများ၊ အရိုးကျိုးခြင်း၊အက်ခြင်း၊ မြွေကိုက်ခံရခြင်း စသည်တို့တွင် ကိုယ်ခန္တာပြင်ပမှ သုတ်လိမ်းခြင်းဖြင့် အသုံးပြု ခဲ့ကြသည်။ အမျိုးသမီးများအတွက်မူ သားဆက်ခြားခြင်...
